អូសាម៉ា ប៊ីន ឡាដេនត្រូវបានសម្លាប់ ប្រធានាធិបតីបារ៉ាក់ អូបាម៉ា បានអះអាងដូច្នេះកាលពីថ្ងៃចន្ទ។តើនរណាជាអូសាម៉ា ប៊ីន ឡាដេន?ហេតុអ្វីបានជាគេក្លាយជាមនុស្សដែលពិភពលោកត្រូវការកម្ទេច បំផុត?
-តើប៊ីន ឡាដេនជានរណា?
អូសាម៉ា ប៊ីន ឡាដេនជាមេដឹកនាំអង្គការភេរវកម្មអាល់-កៃដានិងជាគោលដៅទី១ ក្នុង“សង្គ្រាមប្រឆាំងភេរវកម្ម”របស់អាមេរិក។គាត់បានកើតនៅ អារ៉ាប់ប៊ី សាអ៊ូឌីតនាឆ្នាំ១៩៥៧ក្នុងគ្រួសារមហាសេដ្ឋីមួយនិងបានប្រើ ទ្រព្យធននោះសំរាប់បង្កើតនិងផ្តល់មូលនិធិដល់បណ្តាញភេរវកម្មនៅ ទូទាំងពិភពលោក។
-តើគាត់បានធ្វើអ្វី?
អាល់-កៃដាត្រូវបានគេបន្ទោសចំពោះ ការវាយប្រហារថ្ងៃ១១កញ្ញាឆ្នាំ២០០១នៅអាមេរិកដែលបានសម្លាប់មនុស្ស អស់ប្រមាណ៣.០០០នាក់។រូបគាត់និងមេដឹកនាំកំពូលដទៃទៀតបានរត់គេច ខ្លួនតាំងពីពេលនោះមក ដោយរបាយការណ៍ចារកម្មភាគច្រើនលើកឡើងថាគាត់ចេញចូលនៅតំបន់ ព្រំដែនរវាងអាហ្វហ្កានីស្ថាននិងប៉ាគីស្ថាន។
អាល់-កៃដាត្រូវបានបង្កើតឡើងចេញពីចលនាប្រឆាំងការឈ្លានពាននិង កាន់កាប់អាហ្វហ្កានីស្ថានរបស់សូវៀត។ត្រឹមឆ្នាំ១៩៨៨គេរាយការណ៍ ថាវាបានក្លាយជាអង្គការភេរវកម្មផ្លូវការមួយ។នៅមុនថ្ងៃ១១កញ្ញា ក្រុមនេះបានទទួលខុសត្រូវឬក៏ត្រូវគេដាក់ការទទួលខុសត្រូវចំពោះការ បំផ្ទុះគ្រាប់នៅទូទាំងអាហ្វ្រិកនិងមជ្ឈិមបូព៌ា ដោយរួមទាំងការបំផ្ទុះគ្រាប់ឆ្នាំ១៩៩៨លើស្ថានទូតអាមេរិកនៅតង់ ហ្សានីនិងគេនយ៉ាដែលបានសម្លាប់មនុស្សជាង២០០នាក់និងរបួស រាប់ពាន់។វាក៏ត្រូវគេបន្ទោសចំពោះការវាយប្រហារបំផ្ទុះគ្រាប់លើ នាវាUSS Cole របស់អាមេរិកនៅប្រទេសយេម៉ែនកាលពីឆ្នាំ២០០០ដែលបានសម្លាប់ ទាហានជើងទឹកអាមេរិក១៧នាក់និងរបួស៣៩នាក់។
ប្រធានាធិបតីអាមេរិក លោក បារ៉ាក់ អូបាម៉ា បានមានប្រសាសាន៍ថាលោកត្រូវបានគេជូនព័ត៌មានខ្លីកាលពីខែសីហាមុន អំពីទីតាំងរបស់ប៊ីន ឡាដេន ថាបុរសនេះលាក់ខ្លួននៅក្នុងបរិវេណមួយនៅប្រទេសប៉ាគីស្ថាននិង កាលពីសប្តាហ៍មុនលោកបានបញ្ជាអោយវាយប្រហារលើបរិវេណនេះ។
ការវាយប្រហារនេះត្រូវបានធ្វើឡើងដោយទាហានអាមេរិកមួយក្រុមតូច កាលពីថ្ងៃអាទិត្យ។បន្ទាប់ពីការបាញ់តគ្នា ពួកគេបានសម្លាប់ប៊ីន ឡាដេននិងយកបានសាកសពបុរសនេះទៀតផង។
លោកប្រធានាធិបតីបានមានប្រសាសន៍ថា“ការស្លាប់របស់ប៊ីន ឡាដេនកត់សំគាល់សមទ្ធិផលសំខាន់បំផុតក្នុងប្រវត្តិសាស្ត្រអាមេរិក នៅក្នុងកិច្ចខិតខំរបស់យើងដើម្បីផ្ចាញ់អាល់-កៃដា”។
-ប៊ិះចាប់បានកាលពីមុន
បន្ទាប់ការចាប់ផ្តើមសង្គ្រាមអាហ្វ ហ្កានីស្ថានភ្លាមនិងក្រោយការបណ្តេញរបបតាលីបង់ មានការប្រយុទ្ធគ្នាយ៉ាងខ្លាំងនៅតំបន់កូនភ្នំ តូរ៉ា បូរ៉ាកាលពីខែតុលាឆ្នាំ២០០១។ការប្រយុទ្ធនោះត្រូវគេដឹងថាប៊ិះចាប់ បានប៊ីន ឡាដេន។ពួកមន្ត្រីយោធានិងផ្នែកស៊ើបការណ៍ជឿថាប៊ីន ឡាដេនបានគេចរួចពីការប្រយុទ្ធនោះទាំងប្រផុតប្រផើយ។
បន្ទាប់ពីនោះ ដានរបស់បុរសនេះហាក់ងងឹត។អតីតប្រធានាធិបតីចច ដាប់ប៊ឹលយូ ប៊ូស បានមានប្រសាសន៍ថាប៊ីន ឡាដេនបានទៅពី“មនុស្សដែលត្រូវការខ្លាំងបំផុត មិនថាស្លាប់ឬរស់”មកជាផ្នែកមួយនៃយុទ្ធនាការ និងជាមនុស្សដែលលោកកម្រគិតគូរ។
-តើប៊ីន ឡាដេនបានធ្វើអ្វីខ្លះក្នុងពេលរត់គេចខ្លួន?
ពិត ហើយ ដំណើរលម្អិតជាក់ស្តែងរបស់គាត់មិនត្រូវបានគេដឹងទេ តែគាត់មិនបាននៅស្ងៀមទេ។ជាច្រើនលើកក្នុងបណ្តាឆ្នាំដំបូងរបស់ គាត់ជាជនរត់គេចខ្លួន គាត់បានចេញខ្សែអាត់វីដេអូសម្លេងពីរស្តីពីព្រឹត្តិការណ៍ថ្មីៗ រួមមានសង្គ្រាមនៅអ៊ីរ៉ាក់និងការវាយប្រហារភេរវកម្មផ្សេងៗពីសំណាក់ ក្រុមអាល់-កៃដាឬក្រុមរណបរបស់វា។
ខ្សែអាត់ទាំងនោះបានបង្ហាញឋានៈនិងទឹកចិត្តរបស់គាត់ជាមេដឹកនាំ ភេរវកម្មពិភពលោកម្នាក់និងវាបានផ្តល់ជាឧបករណ៍លើកទឹកចិត្តដ៏ ខ្លាំងមួយ។
-តើការបាត់បង់ប៊ីន ឡាដេនមានន័យយ៉ាងដូចម្តេចសំរាប់អាល់-កៃដា?
គាត់បងធំនៃថ្នាក់ដឹកនាំក្រុមភេរវកម្មនេះ តែក្រុមនេះត្រូវបានបង្កើតឡើងដើម្បីអាចនៅមានជីវិតបន្ទាប់ពីអស់ពី មេដឹកនាំណាម្នាក់។ក្រៅពីមានរចនាសម្ព័ន្ធបញ្ជាតែមួយនិងឋានានុក្រម ដែលអង្គការតូចៗចាំតែទទួលបញ្ជាពីប៊ីន ឡាដេននៅ“ស្នាក់់ការធំអាល់-កៃដា” ពួកគេត្រូវបានបង្កើតឡើងសំរាប់ធ្វើសកម្មភាពដោយឯករាជ្យសំរាប់គោលដៅ ដូចគ្នានិងតាមវិធីសាស្ត្រស្រដៀងគ្នា។